د راپورونو له مخې، د کال په لومړیو دریو میاشتو کې تر ۳۰۰ زره ټنه زیات غله افغانستان ته صادر شوي، چې دا د تېر کال د همدې مودې په پرتله د پام وړ زیاتوالی ښيي.
سره له دې چې د قزاقستان صادرات نورو هېوادونو ته هم زیات شوي، خو تر ټولو ډېر زیاتوالی د افغانستان بازار کې لیدل شوی دی.
کارپوهان وايي چې د افغانستان د خوراکي توکو، په ځانګړي ډول د غنمو او اوړو، زیاتېدونکې اړتیا لامل شوې چې دا هېواد د قزاقستان د زراعتي محصولاتو له مهمو پېرېدونکو څخه شي.
په وروستیو کلونو کې قزاقستان هڅه کړې چې خپل سوداګریز مسیرونه جنوبي بازارونو ته وغځوي، او په همدې وخت کې افغانستان هم د خپلو کورنیو اړتیاوو د پوره کولو لپاره له منځنۍ اسیا هېوادونو سره اقتصادي اړیکې پیاوړې کړې دي.
