په لوګر ولایت کې د فوټبال سیالۍ د پینځو ولایتونو د لوبډلو په ګډون پیل شوې. دا سیالۍ د ۱۴ کلونو څخه د کم عمره لوبغاړو ترمنځ ترسره کېږي.
د معلوماتو له مخې، د لغمان، پکتیا، میدان وردګ، خوست او لوګر لوبډلې پکې ګډون لري. په لومړۍ لوبه کې د پکتیا لوبډلې لغمان ته ۲-۱ ماته ورکړه او بل پړاو ته یې لاره پیدا کړه.
چارواکیو ویلي چې د دغو سیالیو موخه د ځوانو لوبغاړو د استعدادونو وده او د ورزش دود پیاوړتیا ده.
